ტესი აკადემიაში სწავლის მსურველთა ნაკადი არ წყდება. ჩვენთან ახალი ჯგუფები წელიწადში რამდენჯერმე კომპლექტდება, თუმცა ყოველი ახალი მიღება ჩვენთვის მაინც განსაკუთრებული მოვლენაა. ამჯერადაც, ტექნოლოგიების ერთიან კურსზე ადგილები რეკორდულად მოკლე დროში შეივსო, რაც კიდევ ერთხელ ადასტურებს ჩვენი პროგრამების პოპულარობასა და ხარისხს.
ვინაიდან ინტერესი ყოველთვის დიდია, ჩვენი პრიორიტეტი საუკეთესო, მოტივირებული და კრეატიული ახალგაზრდების შერჩევაა. ეს ნაკადიც გამორჩეულია – აქ შეიკრიბნენ ბავშვები, რომლებსაც აქვთ მკაფიო მიზნები და დიდი ინტერესი ციფრული სამყაროს მიმართ. ჩვენთვის პატივია, რომ სწორედ ასეთი პოტენციალის მქონე მოსწავლეებთან გვიწევს მუშაობა.
როგორც ყოველთვის, ახალ ჯგუფს ტესის აკადემიის კარი ტრადიციული მასპინძლობით გავუღეთ. ტორტი და ტკბილეული პირველი დღის განუყოფელი ნაწილია – ეს გვეხმარება, რომ სასწავლო პროცესი პოზიტიურ და მეგობრულ ნოტზე დავიწყოთ. გვჯერა, რომ გარემო, სადაც ბავშვი თავს კომფორტულად გრძნობს, საუკეთესო საფუძველია ცოდნის ასათვისებლად.
ტექნოლოგიების სფეროში წარმატების ერთ-ერთი მთავარი გასაღები კომუნიკაცია და გუნდური მუშაობაა. სწორედ ამიტომ, გაცნობის პროცესი მხიარული და ინტერაქციული თამაშებით დავიწყეთ. სპეციალურად შერჩეული აქტივობების დახმარებით, ბავშვებმა სწრაფად იპოვეს საერთო ენა, დაძლიეს პირველი დღის ბარიერი და ერთმანეთს საკუთარი ინტერესები გაუზიარეს.
პირველივე ლექციამ დაგვანახა, რომ ჩვენს რიგებს ნამდვილი „გენიოსები“ შეემატნენ. მათი კითხვები, ხედვა და ენთუზიაზმი გვაძლევს იმის თქმის საფუძველს, რომ წინ ძალიან საინტერესო და შედეგიანი სასწავლო პროცესი გველოდება.
წინ ბევრი აღმოჩენა და ტექნოლოგიური თავგადასავალია. მადლობა მშობლებს ნდობისთვის, ჩვენ ერთად ვიზრუნებთ თქვენი შვილების წარმატებულ მომავალზე.
„ტესი აკადემია“ ყოველთვის იქნება ადგილი, სადაც ნიჭიერება ფასდება, ხოლო შრომისმოყვარეობა შედეგამდე მიდის.
ვულოცავთ ჩვენს ახალ მოსწავლეებს ამ დიდ ოჯახში გაწევრიანებას და ვუსურვებთ დაუღალავ ენერგიასა და წარმატებებს ტექნოლოგიების ჯადოსნურ სამყაროში! 🚀
ჩვენ გვინდა შევქმნათ თაობა, რომელიც ფიქრობს კრეატიულად, მუშაობს გუნდურად და ქმნის მომავლის ტექნოლოგიებს.
TESSY © 2025 ყველა უფლება დაცულია
